Nagpatigayon it Annual Inspection and Management Audit ro National Police Commission ukon NAPOLCOM Region VI sa Aklan Police Provincial Office.
Suno kay Police Major Willian Aguirre, mismong si Napolcom regional director Atty. Joseph Celis ro nagpadueong sa kampo agud nga sikyaron ro kahimtangan it mga kapulisan sa Aklan.
Tuyo kara nga mausisa ro human and logistical resources it Aklan PPO partikular kon naipatuman it husto ro mga proyekto ag programa sa idaeom it andang hurisdiksyon.
Sambilog eon suno kay Police Major Aguirre ro pagpatuman it peace and order; police visibility kaibahan eon kon anu ro resoponse it komunidad.
Mag-eowas kara, ginsikyar man ro firearms it mga otoridad kaibahan eon ro andang kompletong uniporme.
Ginpahayag dugang ni PMaj. Aguirre nga haeos tanan nga kapulisan sa Aklan hay naisyuhan eon it service firearms.
Ro nasambit nga aktibidad hay gintambungan it Command Group, Provincial Staff, tanan nga Chiefs of Police it 17 nga Municipal Police Stations, Company Commander it 1st ag 2nd Aklan Mobile Force Company.
