Malipayon ag bugaeon ro napueo nga mga manugturo sa probinsiya it Aklan nga ginpasidunggan bilang Ten Outstanding Mentors (ATOM) makaron nga dag-on.
Pormal nanda nga ginbaton ro andang natungdan nga cash prize nga 10,000 pesos ag plaque of recognitions kaina it agahon sa Augusto B. Legaspi Sports and Cultural Center sa capitol, Kalibo.
Suno kay Dr. Juim Jimlan nga masobra eon nga 50 nga manugturo ro natigayon nga mapasidunggan sa aklan kun sa siin sambilog imaw sa mga recipient ko 2017.
Ro ATOM suno kana hay inisyatibo it Department of Education-Schools Division Office it Aklan ag Razon Tumbocon-Haresco Foundation sa pagpanguna ni Aklan Second District Rep. Teodorico Haresco, Jr. agud nga taw-an it pagkilaea ro indi matupungan nga dedikasyon ag kahugod sa trabaho it mga teachers sa probinsiya.
Sa pihak nga parte, ginkumpirma ni Dr. Jimlan nga masyadong naging istrikto ro patakaran nga ginplastar antes nga makasueod sa venue, kun sa siin mag-eowas sa pagpakita it valid ID hay kinahangean nga may una man nga vaccination card.
Haeos tanan sigon nga mga manugturo hay obligado nga magtambong sa event.
Samtang , ginkalipay man nana ro personal nga pakikipagkita ag pagkilaea kana bilang huwaran nga governemt employee ni vice president ag department of education sec Sara Duterte-Carpio matapos nga maeakip sa Dangal ng Bayan award it Civil Service Commission
