KALIBO, Aklan—Naga-abot sa P5 milyon ro danyos it sunog nga umugdaw sa daywang ka bodega it sangka hotel bandang alas-12:42 kaina it aga-aga sa Brgy. Balabag sa isla it Boracay.
Suno kay FO1 Teody Mark Emilia it Bureau of Fire Protection ukon BFP Boracay nga umabot eamang sa unang alarma ro nasambit nga sunog.
Padayun pa nga gina-imbestigahan ro gintunaan it sunog, kun sa siin totally burned ro daywang ka mga bodega nga ginapanag-iyahan it Aqua Hotel Boracay.
Madasig sigon nga nagkalhit ro kaeayo bangud nga mag-eowas nga himo sa light ag concrete materials ro bodega hay puno pa raya it mga pintura, thinner, foam ag iba pang gamit nga madaling duktan it kaeayo.
Suno pa sa BFP Boracay nga owa man it naninahan ukon nadaeahig nga iba pang istraktura sa nasambit nga insidente.
Bandang alas-2:25 it aga-aga hay gindeklara ro fire out sa bulig it iba pang mga fire volunteers sa isla.
