Nagpaandam ro Iran nga magabaeos sanda sa Israel matapos ro ginhimo nga air strike it Israeli military nga pumatay it ap-at nga soldadong tropa it Iran.
Depensa it Israel nga kon magbaeos ro Iran pagabayluhan nanda raya it mabahoe.
Ro nagalala nga tensyon sa middle east hay ginakabaeak-an it United States, Germany ag Britain kasunod it maeapnagong suporta sa untat-eokpanan.
Gin-anunsyo mat-a ni US president Joe Biden nga likawan ro pambomba sa nuclear ag oil facilities it Iran nga suno sa International Atomic Energy Agency uwa it mga nuclear ro mga nadaeahig sa ginpatigayon nga air strike it Israeli military.
Ro kinagamo hay eubusan man nga ginakabaeak-an it pilang mga nasyon sa Europa, ag ginapanawagan ro ‘uncontrollable escalation’.
Samtang, ginkondena it mga kaeapit nga nasyon it Iran ro ginhimo nga strike it Israel.
Apang, nagpromisa ro Iran ro pagahimuon nandang pagbaeos hay bangud sa kinamatarong nanda nga protektahan ro andang nasyon.
