KALIBO, Aklan—Maka-angkon it transport crisis ro nasyon kon daeayon eon nga mapaso ro prangkisa it mga individual franchise.
Raya ro naging pahayag ni ACT-Partylist Rep. France Castro angot sa nagahilapit nga December 31 deadline para sa Jeepney modernization program.
Suno kana, masobra sa 100,000 nga mga jeepney drivers ag operators sa nasyon ro mawad-an it pangabuhian kon sa siin masobra sa 30,000 nga mga drivers ag operators ro madueaan it trabaho sa Metro Manila.
Suno pa kay Castro, best action para mapundo ro nasambit nga programa hay pag-rule out ni Pangueong Marocs para ibasura ro deadline nga naging problema makaron it maabong jeepney driver ag operators.
Kinahang-ean suno kay Castro nga makipag-istorya ro mga drivers/operators sa DOTr para makaangkon it win-win solusyon ro daywang bahin.
Hasta makaron, bukon pa sigon it preparado ro DOTr sa andang mga ruta ag pati man sa subsidiya para sa mga jeepney drivers ag operators.
Dugang pa ni Castro, maisot sigon ro P200,000 kumpara sa presyo it mga modern jeepney nga may haeaga nga P2.5-M hasta P3.5-M.
Pahayag pa it kongresista nga maeubong sa utang ro mga drivers ag operators bangud sa mataas nga presyo it mga jeep.
