KALIBO, Aklan– Dismayado ro sangka militanteng grupo sa naging pagpanerbisyo ni Pangueong Ferdinand Marcos Jr. Sa sueod it unang dag-on kara sa pwesto.
Ginpahayag it Bagong Alyansang Makabayan ukon Bayan-Aklan Provincial Coordinator Kim Sin Tugna nga makabig nga naging masalimuot ro naging sitwasyon it nasyon.
Bangud sa owa it nagbag-o sa sistema ag ginpatuman nga programa sa idaeom it pagdumaea it bag-ong administrasyon.
Naglala eamang sigon ro sitwasyon eabi eon sa sektor it agrikultura.
Suno kay Tugna hay sigidas ro pagtinaas it mga nagapangunang baeakeon ag puro importation ro naging solusyon it Pangueo.
Kun sa siin nagresulta it mas pangpagsipa it mga presyo eabi eon sa sibuyas.
Angot kara, naobserbahan man sigon nanda nga bukon it interisado ro mga kongresista ag ro Pangueo nga magpatuman it sangka minatuod-tuod nga programa para makabulig sa mga Pilipino eabi eon sa mga pobre.
Kanugon eamang sigon ro ginabayad nga tax it tagsa ka pilipino kun ginataeana ukon naaadto eamang sa mga wat pueos nga butang ro pondo nga para kungta sa pag-umwad it kahimtangan it pumueuyong pilipino
