Ginakondena it lokal nga gobyerno it Numancia ro natabo ng pagratrat sa baeay ni Hon. Jerome Vega, Sangguniang Bayan Member it nasmabit nga banwa.
Suno kay, Vice Mayor Mariel Cielo Sendon, una ro suporta it andang taeatapan, kabulig ro pwersa it kapulisyahan sa pag-solbar it nasambit nga insidente.
Magahueat lang sigon sanda sa resulta it imbestigasyon it Numancia MPS bangud nga uwa sanda naila nga pangunahan raya ag may mabahoe sandang pagsalig sa andang kapasidad.
Paathag pa it bise alkalde, bilang preciding officer it andang banwa, kun nakaka-angkon it anumang argumento sa tunga it mga myembro sa andang ginpatigayon nga pagtililipon, ginasugurado nana nga angot raya sa mga legislative matter, apang kun raya hay personal nga issue, dapat sigon nga insigida raya nga makontrol ag indi dapat pag-istoryahan samtang una sa sesyon.
Ginduea man nana ro kabaeaka it mga pumueuyo it andang banwa ag ginlaygayan eon lang nga maging alerto sa anumang oras bangud nga indi masayran ro pwedeng matabo sa adlaw-adlaw.
Nagpanawagan man imaw it pagpangamuyo para kanda ag sa andang banwa.
