Kumpyansa si Armed Forces of the Philippines Chief of Staff General Romeo Brawner Jr. nga indi magresulta sa destabilization ukon pag-alsa it mga soldado ro natabo nga kinagamo ag pagpaeupok it baril sa sueod it Senado, adlaw it Miyerkules, May 13.
Suno kay Brawner, nagapabilin nga propesyunal ag disiplinado ro linya it AFP sa pihak it tensyon angot sa isyu it ICC warrant kontra kay Sen. Ronald dela Rosa.
Madumduman nga naalarma ro nasyon sa natabu nga sunud-sunod nga eupok it pusil sa sueod it Senado nga ginkakugmat it pilang opisyal ag empleyado sa lugar.
Samtang, uman nga ginpaathag ni Brawner nga ro mga Philippine Marine Corps nga nakit-an sa palibot it Senado hay kaparte eang it mga regular security detachment sa nasambit nga lugar.
Suno kana, support unit eang ro papel it nasambit nga mga Marines ag owa ro mga raya nagpaeupok it baril sa Senado.
Sa pihak it natabo, ginpahayag it AFP nga owa pa sanda it makita nga rason para magpasaka it alert status angot sa insidente.
