KALIBO, Aklan—Gindihon eon sa kamara ro House Bill 10700 ukon “Dangal at Sigla ng Magsasaka sa Abono Pag-Asa Act”, nga tuyo nga buligan ro mga mangunguma sa pagpaabu it andang pananom sa tunga it mataas nga presyo it fertilizer.
Nakabaehag sa proposisyon nga pagataw-an it “access” ro mga mangunguma sa mga fertilizer ag pagabuligan nga mapataas ro produksyon it paeay ag iba pang agricultural products.
Halimbawa eon kara ro mga locally-produced nga abono nga mataas ro kalidad apang masarangan ro presyo.
May una man nga “fertilizer subsidy” para sa mga kwalipikadong mangunguma eabi eon sa tyempo nga mataas ro presyo it abono sa merkado.
Naga-abot man sa 20 billion pesos ro ginaproponer nga pondo para sa implementasyon it nasambit nga proposisyong laye.
