May bastanteng pondo ro gobyerno agud suportahan ro mga relief ag rehabilitation efforts sa mga lugar nga apektado it Severe Tropical Storm Kristine, suno kay Finance Secretary Ralph Recto.
Suno kana, pwedeng boe-on ro mga pondo para dugangan ag pabaskugon ro pagpahaom sa kalamidad it mga local government units (LGU).
Pwedeng gamiton pondo niya para sa reconstruction, rehabilitation ukon repair it mga nasamad nga karsada, tulay, ag mga edipisyon, pagkatapos it sangka kalamidad.
Ro pondo hay pwede man nga gamiton agud maihatod ro mga insigidang kinahang-eanon it mga apektadong komunidad sa pinaagi it pagtao it mga food packs, first aid ag mga bueong, temporaryong maistaran, emergency needs, ag iba pang mga kinahang-eanon.
Dugang pa ni Recto, kaibahan sa mga dugang nga pondo nga madaling mabuoe it Department of Finance hay ro mga unprogrammed funds, ro $500 million standby credit line, sangka Rapid Response Option (RRO) facility, pilang contingent emergency response component halin sa World Bank, ag post-disaster standby financing halin sa Japan.
Ro mga nasambit nga dugang nga pondo hay gilayon nga mabuoe kon madesisyunan it gobyerno nga i-access ro mga raya.
