Ginapasiguro it National Telecommunications Commission (NTC) ro implementasyon it SIM Registration Law.
Sa mandu ni National Telecommunications Commission Officer-in-Charge Commissioner Ella Blanca B. Lopez gintukod ro National Telecommunications Commission Task Force on the implementation of the Subscriber Identity Module (SIM) Registration Act.
Sa nasambit nga direktiba, ginamanduan ro National Telecommunications Commission Task Force nga maid-id nga bantayan ro proseso nga ginahimo it mga public telecommunication entities (PTEs) para maipatuman ro SIM Registration Act ag Implementing Rules and Regulation (IRR) kara.
Kaibahan man sa pagabantayan ro ginahimong tikang it mga telecommunication company para masabat ro mga isyu ag problemang nae-eksperyensyahan sa proseso.
Sa update it mga telco nga pasa sa National Telecommunications Commission, ginpahayag it Globe nga umabot eon sa 1,769,374 subscribers nanda ro nakapagparehistro, sa Smart hay may 1,019,207 subscribers ag ro DITO hay 530,424 subscribers.
