Gin-engganyo it North Atlantic Treaty Organization (NATO) Secretary-General Jens Stoltenberg ro South Korea nga irekonsidera ro sueundanan kara nga indi pag-export it mga armas sa mga nasyong nakaka-eksperyensya it conflict para mabuligan ro Ukraine sa pakigsukoe sa invasion it Russia.
Sa diskurso it NATO chief sa Chey Institute for Advanced Studies sa Seoul, anang gin-engganyo ro Republic of Korea nga ipadayon ag magsabat sa specific issue sa military support.
Ginhalimbawa ni Stoltenberg ro Germany, Norway ag NATO applicant nga Sweden nga nagbag-o it andang arms export policies para buligan ro Ukraine.
Una eon nga nagpahayag it pagkondena ro North Korea sa pagbisita it NATO official sa South Korea ag ginpahayag nga maga-umpisa eamang raya it komprontasyon ag giyera kasunod it pagbilog it panibag-ong “Cold war” sa Asia Pacific Region
