Nagpaandam makaron si North Atlantic Treaty Organization (NATO) Chief Jens Stoltenberg nga posibleng magbuhay pa ro gyera sa tunga it Russia ag Ukraine it pilang dag-on.
Todo gihapon ro panawagan it secretary general sa Western countries nga magta-o it long-term support sa Kyiv.
Suno kana, uwa sigon it haega ro pagkaon ag fuel costs kumpara sa sangka ginaswelduhan adlaw-adlaw nga Ukrainians nga una sa frontline.
Magatuga sigon it mas mabahoe nga haega kon naipatuman ni Russian President Vladimir Putin ro anang plano sa Ukraine.
Ko mga nagtaliwan nga dominggo, nagpanawagan ro NATO chief sa mga kaalyadong nasyon nga suportahan ro Ukraine sa andang pakikipagsukoe sa puwersa it Russia.
Uman raya nga nagpanawagan sa NATO member nations nga padayong mag-deliver it mga armas sa Kyiv.
Dugang ni Stoltenberg nga posibleng madugangan sigon ro hardware support kon napaatras it Ukraine ro tropa ni Putin sa Donbas region.
Ro pilang parte sigon it Donbas region sa Ukraine hay kontrolado makaron it Russian forces.
