KALIBO, Aklan—Makaangkon it inisyal nga hearing ro natungdan nga komitiba it kongreso angot sa People’s Initiative nga tuyong amyendahan ro konstitusyon.
Raya hay kasunod it pagklaro it Commission on Elections nga uwa it nagpilit kanda para punduhon ro tanan nga proceedings angot sa People’s initiative bangud nga kinahang-ean nga magpabilin nga maging independent ro Comelec.
Suno kay Alliance of Concerned Teachers ukon ACT Partylist representative France Castro, tuyo it nasambit nga hearing nga mausisa ro inisyatibo kon may nagakaigo raya nga guidelines.
Madumduman nga nagtingob nga bumoto ro Comelec en banc para sa indefinite suspension it Comelec Resolution No. 10650 nga nagasakop sa guidelines para sa people’s initiative.
Bangud kara, ginmanduan ro mga lokal nga taeatapan it Comelec nga magpundo sa pagbaton it mga signature sheet samtang nakabinbin pa ro pag-usisa ag rebisyon it guidelines.
