Ginmando ni Pangueong Ferdinand R. Marcos Jr. nga ayuson eon ro nasamad nga navigational gate sa Navotas.
Raya sigon ro rason kon ham-an it pilang dominggo nga nakaeksperyensya it kalbaryo ro mga taga Navotas ag Malabon bangud sa tubi-baha.
Ginpahayag it Chief Executive nga sangka emergency measure ro mataw-an it remedy ro nawasak nga gate bangud nga uwa it nagaharang sa pagsueod it tubi sa nasambit nga daywang area it CAMANAVA.
Dapat suno kana nga magkonsulta angot kara ro mga engineers maskin temporaryong remedyo eang anay ag balikan eon lang ro nawasak nga gate kon daeayon nga magnami ro tyempo.
Direktiba it Presidente nga himuon ro tanan para maayos eagi ro gate nga nagaserbing pangharang sa baha ag makabawas sa kalisod it daywang syudad it CAMANAVA.
