Pagahaeugaan eon sa masunod nga 2022–23 season it NBA ro mga sueundanan kara angot sa COVID -19.
Bukon eon sigon it mandatory ro pag-angkon it COVID-19 vaccination raya hay sandig sa nakabaehag sa memo it liga.
Sa pihak kara, nagapanawagan man ro NBA sa tanan nga mga players ag personnel nga magpaturok it vaccines ag sumunod sa mga federal ag state guidelines.
Madumduman nga ko nagtaliwan nga NBA season naging kontrobersiyal ro NBA star nga si Kyrie Irving nga maabong beses nga owa nakahampang bangud sa sueundanan it New York ag sa homecourt it team nga Brooklyn Nets, hasta sa hay nagdesisyon eon lang ro new york mayor nga pagabue-on lang ro vaccine mandate.
Samtang, sandig man sa impormasyon, ro NBA ag ro players organization hay naabot ro 97% vaccination ag 75% booster rate sa mga players.
