SPORTS – Namatay eon ro NBA Hall of Famer Dikembe Mutombo sa edad nga 58 anyos.
Ginkumpirma ni NBA Commissioner Adam Silver ro pagkamatay ni Mutombo bangud sa brain cancer.
Ginpahayag dugang ni Silver nga inde makalipatan ro pagiging mayad ni Mutombo sa depensa kapin eon sa pagiging greatest shot blockers ag defensive players sa kasaysayan it NBA.
Naging eight-time NBA All-Star player raya ag ap-at nga beses nga nagdaog it Defensive Player of the Year award.
Halin 1991 hasta 2009 hay naghampang raya sa NBA sa mga koponan it Denver Nuggets, Atlanta Hawks, Philadelphia 76ers, New Jersey Nets, New York Knicks ag Houston Rockets.
Samtang imaw hay nagahampang, ginabuligan nana ro mga pumueoyo sa Democratic Republic of the Congo.
Nagpatindog imaw idto it foundation ko 1997 kamana man nagbukas it mga eskwelahan ag ospital sa pinaagi it charity.
Nagserbe man imaw bilang unang Global Ambassador it NBA.
Ku Oktubre 2022 kat gin-anunsiyo nana nga nagpabueong imaw it anang brain tumor.//
