Nagaumpisa eon nga magpatigayon it uman it limitadong workout ro NBA star nga si Jimmy butler samtang una sa kasagsagan it offseason.
Presenteng una sa recovery stage ro Golden State Warriors forward kasunod it anang naangkon nga anterior cruciate ligament (ACL) injury ko January 2026.
Sa makaron, uwa pa it clearance sa batikang forward para makapatigayon it ‘full contact practice’ rason nga limitadong workout pa eamang ro ginapasugtan kana.
Kaibahan sa mga nahihimo makaron ni Butler hay ro pilang serye it light shooting ag stationary ballwork, apang ro mga major hurdle workout kaparehas it full sprinting ag contact drills hay igasunod eon sa schedule it batikang manughampang.
Naging madinaeag-on ro operasyon para kay Butler ko February 2026 ag ginaeauman nga daeayon imaw nga makabalik sa paghampang sa midseason ukon katung-anan it NBA regular season.
Posibleng matabo raya sa ulihing parte it 2026 ukon unang parte it 2027, apang depende gihapon raya sa progreso it anang rehabilitasyon.
