Owa pa sa gihapon it kasiguraduhan kung magapabilin sa Brooklyn Nets ro NBA superstar nga si Kyrie Irving.
Mataeopangdan nga owa gihapon it klaro sa negosasyon kung pagabatunon ni Irving ro $36.9 million option nga igapadayon sa gihapon ro paghampang sa koponan asta sa mga masunod nga season.
Kung balibaran sigon it seven-time All-Star ro Brooklyn magapaidaeom si Irving sa free agency ag sigurado nga paga-aeagwan it iba pa nga mga teams.
Engkaso nga matabo raya hay magabutang sa peligro ro diskarte it Brooklyn ag mabahoe nga pagkaduea para sa andang kampanya kapin ag indi eon mabilog it uman ro Irving ag Kevin Durant tandem nga pagadugangan pa ni Ben Simmons.
Samtang, kaibahan sigon sa mga interesado nga makuhit si Irving hay ro Los Angeles Lakers, Los Angeles Clippers ag New York Knicks.