Ginkibot ni NBA superstar Kevin Durant ro liga ag mga fans sa nagguwa nga report nga gusto eon karang maghalin sa Brooklyn Nets apisar nga may mahaba pa rayang kontrata.
Nasayuran nga may ap-at nga dag-on pa rayang nabilin nga kontrata sa Nets.
Ginapatihan nga maabung teams ro ginkibot ni Durant kat gumuwa ro impormasyon nga gusto kara kunta it bag-ong deal ag mas gusto sigon nana sa Phoenix suns ukon sa Miami Heat.
Ro trade request ni Durant hay kasunod it pagbukas makaron it free agency sa mga teams para makignegosasyon sa mga players nga owa pa it mga mga kontrata para pabaskugon ro andang line-up sa magasueod nga bag-ong season.
Samtang, ro 33-anyos nga veteran nga si durant hay una eon nga nagpirma sa Nets ku nagtaliwan nga 2021 para sa ap-at nga dag-on nga nagakahaega it kapin sa $198 million.
Sa pihak nga parte, ro anang teammate man nga si Kyrie Irving gay nagdesisyon eon man nga magpabilin anay sa koponan.
