KALIBO, Aklan — Naga padayun ro pag imbestiga it Department of Justice (DOJ) at National Bureau of Investigation (NBI) Environmental Crime Division sa mga resort owners ag pilang lokal nga opisyal itMalay, Aklan bangud sa mga pag eabag sa environmental laws sa isla it Boracay.
Sa interview it Bombo Radyo Kalibo, gin pahayag ni Community Environment and Natural Resources Office (CENRO)-Boracay chief Atty. Richard Fabila nga nakipag-angot kand ag sa iba pang attached agencies it DENR ro imbestigador it NBI para sa iba pang dokumento.
Paga sayuron sigon it NBI kun ham-an padayun nga naga operate sa gina kabig nga “no build zone” ro mga resort nga kinasuhan sa pihak it kakueangan it permit ag iba pang lisensiya, kun siin, pila pa sigon sa mga raya hay may closure order.
Naga kangawa man sigon ro NBI kun ham-an ro sangka forest land hay na-isyuhan it tax declaration nga sangka iligal.
Madumduman nga gin pasakaan it kasong pag eabag sa Revised Forestry Code of the Philippines, Philippine Fisheries Code, Anti-Graft and Corrupt Practices Act at Local Government Code ro pilang resort owners sa isla ag mga lokal nga opisyal nga gina eakipan ni incumbent Mayor Ceciron Cawaling ag dating Mayor John Yap nga gina sugid nga nag eabag sa environmental laws nga nagtuga it kontaminasyon.
Temporaryong gin pasarado ro Boracay ku Abril 26 agud taw-an it daean ro paglimpiyo ag rehabilitasyon.
