-- ADVERTISEMENT --
KALIBO, Aklan— Nakataeana nga magabutang it satellite office ro National Bureau of Investigation (NBI) sa isla it Boracay.
Raya hay matapos nga gintaw-an it gahum it Sangguniang Bayan it Malay ro andang lokal nga gobyerno nga magsueod sa sangka Memorandum of Agreement (MOA).
Ginpahayag nga pinaagi kara hay mataw-an it kasoehayan ro mga malaynon ag iba pang pumueuyu sa pagbo-oe it NBI clearance.
Partikular nga makatipid sanda it oras ag pamasahe sa pagbiyahe paagto sa Roxas City ag Iloilo para sa nasambit nga clearances nga kaeabanan nga ginagamit para sa pag-usoy it trabaho sa sueod man it nasyon ukon sa abroad.
Ro LGU-Malay ro magatau it office space para sa NBI frontline employees.
-- ADVERTISEMENT --
