Magapabilin nga sa Alert Level-1 ro Metro Manila ag ibang bahin it nasyon asta sa katapusan it Mayo.
Suno kay acting presidential spokesperson Martin Andanar, raya ro naging pinal nga desisyon it Inter-Agency Task Force ukon IATF nga magapabilin ro NCR sa Alert Level-1 asta sa Mayo 31.
Nakabaehag ma sa sueundanan it IATF nga ro mga lugar sa idaeom it Alert Level-1 hay pagasugtan ro intrazonal ag interzonal travel apisar it ano man nga edad ag comorbidities ag ro full-operations it tanan nga mga establisyemento basta may ginapatuman nga minimum health standards.
Nauna eon nga ginpahayag ni Department of Health (DOH) Secretary Francisco Duque III nga posibleng magapabilin sa Alert Level-1 ro bilog nga nasyon asta sa pagtapos it termino ni Pangueong Rodrigo Duterte.
