Nagpaathag ro National Risk Reduction and Management Council (NDRRMC) angot sa gulping pagtaas sa numero it mga namatay bangud sa bagyong Agaton.
Raya hay matapos nga gin-report it ahensya nga sumaka eon sa 224 ro numero it mga namatay.
Pag-eksplikar ni NDRRMC spokesperson Mark Timbal, sa makaron hay ro mga numero pa eamang it mga bangkay nga owa it maayos nga documentation ro andang nabaton nga datos.
Antes sigon opisyal nga mai-eakip sa numero it mga casualty ro sangka bangkay hay dapat may una raya nga proper documentation kapareho it identity, kasarian ag iba pa.
Dugang pa ni Timbal, ro nasambit nga numero it mga namatay bangud sa pagpanaeasa it bagyo hay posible pang madugangan makaron nga maabu pa nga mga bangkay ro narekober sa ginapatigayun nga search and rescue operations it mga awtoridad sa mga apektadong lugar.
Samtang, nagapabilin man sa waeong katawo ro numero it mga naninahan samtang 111 pa gihapon ro numero it mga indibdiwal nga missing.
