Nagpueong kahapon ro National Disaster Risk Reduction and Management Council (NDRRMC) para talakayon ro ginsuhestiyon nga pagpatindog it temporary shelter para sa mga pamilyang eubos nga naapektuhan it bagyong Agaton.
Tuyo kara nga insigidang masolusyonan ro kinahang-eanon it mga apektadong pamilya partikular sa banwa it Abuyog ag Baybay.
Suno kay NDRRMC Executive Director Usec Ricardo Jalad nga nakasugtanan it konseho nga ro OCD ro mag mag-provide it construction materials ag pondohan ro nasambit nga proyekto.
Ro Department of Environment and Natural Resources – Mines and Geosciences Bureau, ro ginmanduan nga magpatigayun it site assessment kung siin igapatindog ro temporary shelter.
Samtang, ro Department of Public Works and Highways ro magadumaea sa site inspection ag preparation para sa nagakaigo nga site development ag ro DSWD ro magatao it pagkaon ag cash for work sa mga volunteers.
Ginpahayag ni Jalad nga target matapos ro konstruksyon it temporary shelters sa Hunyo 10, 2022.
