Ginhambaean it National Electrification Administration(NEA) ro mga electric cooperative(EC) nga bantayan ro epekto it bagyong Gener sa mga power utilities sa nasyon. Nagpaguwa eon it abiso ro NEA para sa mga EC ag naghambae ro mga raya nga i-activate eon ro anda nga mga Emergency Response Organization(ERO) ag magbilog eon it nagakaigo nga emergency response plan.
Ginapabantayan man it ahensiya ro impact ag paeag it bagyo sa mga power distribution facilities nga mahimong maka-apekto sa power supply sa mga konsyumer. Mag eowas kara sinigurado man it ahensiya nga may insakto nga mga kagamitan ag mga buffer stock nga mahimo nga gamiton sa mga emergency situation hasta sa restoration it power supply.
Ginpasumite man it NEA ro mga EC it anda nga power situation report kadugan sa pahieangupon nga pagdaeasa it bagyo. Padumdum it NEA sa mga cooperative management, nga dapat mang insigidang mabalik ro power supply sa mga lugar nga uwa man naapektuhan it bagyo apang dating naputlan it supply bilang pagprotekta sa kaeowasan it mga konsyumer.
Sa nangin panaeasa it bagyong Enteng sa Pilipinas hay nag angkon ro power sector it hasta sa P4.23 milion nag baloe it kasamaran ag linibo nga mga konsyumer ro nadueaan it power supply.
