-- ADVERTISEMENT --
Gindepensahan ni National Economic Development Authority Secretary Arsenio Balisacan ro paggamit it Maharlika Investment Fund para mapaumwad ro nagkaeain-eain nga sektor it nasyon.
Ginpahayag kara nga bangud sa eubusang pagbukas it ekonomiya hay importante nga makaangkon it pondo nga mabue-an ro gobyerno agud nga mapabilin ro mga programa ag proyekto.
Kabulig sigon nanda ro mga economic managers ni Pangueong Ferdinand Marcos Jr. sa pagbilog it mga polisiya sa pagsueong it Maharlika Investment Fund.
Nasayuran nga nakataeana eon nga magpatigayun it pormal nga pagpamati ro senado angot sa nasambit nga hagna.
