Dumipensa ro National Economic Development Authority ukon NEDA ag ginpahayag nga nag-agi sa maid-id nga pagtuon ro pag apruba it NEDA board sa tariff cut sa bugas nga 15% halin sa dating 35%.
Ginpahayag ni Secretary Arsenio Balisacan nga naintindihan nanda ro kabaeaka it publiko, apang ginpasiguro nanda nga bukon it basta-basta ro ginhimong desisyon.
Antes gin-aprobahan it NEDA board ro tariff recommendation it Committee on Tariff and Related Matters, nagpatigayon ro Tariff Commission it maeapnagong konsultasyon ag pagusisa sa idaeom it Customs Modernization and Tariff Act nga nag-umpisa ko March 2023 kon sa siin 801 stakeholders ro gin-imbitahan ag 192 kara ro halin sa agriculture sector.
Tuyo it NEDA board sa tariff cut nga masigurong may access ro mga Pilipino sa masustansiya ag masarangan nga pagkaon, partikular eon ro bugas samtang ginadumaeahan ro inflation ag ginapabilin ro economic growth momentum.
