KALIBO, Aklan—Nagdugang pa gid sa makaron ro pag-alarma it mga pumueuyo sa Spain bangud sa pagtaas it kaso nga nalista may kaangtanan sa naga-eontad nga needle spiking.
Umabot eon sa kapin 60 nga kaso ro nareport sa makaron it needle spiking ukon iligal nga pagturok it droga.
Suno kay Bombo International Correspondent Maria Edzel Lopez it Spain nga nasayuran nga ro mga nagapanguna nga suspek sa naga-eontad nga needel spiking hay ro mga pamantan-on partikular sa mga naga clubbing ukon agto sa mga bar.
Sa makaron indi pa sigon matumod kung alin nga klaseng kemikal ro nakaeakip sa mga nasambit nga pagturok.
Ginapadumdum man it gobyerno it Spain sa mga pumueuyo partikukar sa mga pamatan-on nga naga-agto sa mga club nga magdaea it masaligan gid nga kaibahan ag engkaso nga nabatyagan ro pag turok gilayon nga magpanugid sa police ukon naka-duty nga bantay it sangka bar ag magpatan-aw sa ospital para maboue eagi ro sample it dugo para matumod ro kemikal nga naeakip sa nasambit nga pagturok.
