KALIBO, Aklan—Nagapadayun sa gihapon ro negosasyon sa kampo ni Senator Manny Pacquiao nga nauna eun nga nag-anunsiyo nga magapadaeagan man sa pagka-pangueo sa idaeum it partidong PDP-Laban.
Raya hay matapos ro opisyal nga pag-anunsiyo man ni Manila Mayor Isko Moreno nga imaw hay magapadaegan bilang Pangueo it pungsod Pilipinas sa idaeum it partidong Aksyon Demokratiko.
Magiging ka-tandem ni Moreno ro kilaeang public health advocate nga si Dr. Willie Ong.
Suno kay Aklan first district Sangguniang Panlalawigan member Atty. Harry Sucgang nga gina-engganyo pa it grupo si Senator Manny Pacquiao nga magpabilin eun lang anay sa pagka-senador bangud nga bata pa man raya.
Dugang pa kara nga nakabatun eun imaw it imbetasyon sa igapatigayon nga zoom meeting nga ro paga-istoryahan hay ro kanditatura ni Mayor Isko sa paeabuton nga eleksiyon.
