KALIBO, AKLAN — Pekeng kwarta nga gin bayad sa sangka 38-anyos nga negosyante it daywang eaeaki nga nagbakae sa anang tindahan sa Toting Reyes St., Kalibo, Aklan.
Suno sa biktimang si Ebenezer Bongabong, residente it nasambitan nga lugar nga nagbakae kana ro daywang owa nakilaeang suspek it sangka motorcycle battery ag CDI nga naga balor it P700.
Gin dawat ro P1,000 it mga suspek nga gin silyuhan man it biktima apang, kat usisaon ro nasambitang kwarta nakibot raya it husto kat mapansin nga peke.
Owa eon naabutan it biktima ro mga suspek nga madasig nga nagpanaw matapos nga mabo-oe ro gin bakae nga mga items ag sinsilyong P300.
Ro insidente hay naboe-an it CCTV footage nga naka-install sa anang establisimento.
Kadunghan kara, nagpaandam ro mga otoridad sa pagkalat it mga pekeng kwarta.
Naga padayun pa sa makaron ro imbestigasyon it Kalibo PNP Station sa nasambitang insidente.
