KALIBO, Aklan—Padayon nga naga-aray ro mga negosyante sa Kalibo public market sa pihak nga ginpanabaan eon ro quarantine classification sa bilog nga probinsya it Aklan.
Suno kay Tessie, sangka vendor, halin kat nagka-pandemya hay uwa eon sanda it ginakita sa andang negosyo maskin nga essential goods ro andang ginabaligya.
Raya hay kasunod it pagsoeputan it mga talipapa sa kabaryuhan nga hasta sa makaron hay nagaeksister.
Gin-insister kara nga uwa eon it nagapanindahan sa public market bangud nga kumpleto eon man ro baligya sa mga talipapa ag inde eon kinahang-ean it mga raya nga magpamasahe pa it mahae para makapamakae it andang kinahang-eanon sa pang adlaw-adlaw.
Ginpahayag dugang ni Tessie nga nagakuliit eon man sanda sa pambayad sa andang pwesto bangud nga kueang gid nga mayad ro andang ginakita sa adlaw-adlaw nga pagbaligya.
Kon amat suno kana hay uwa eon naibabalik ro andang kapital bangud man sa andang expenses.
