KALIBO, Aklan—Suportado it suod nga amiga ag kaparehon atleta ro pagsabak ni Nesthy Petecio sa masunod nga away kara sa boxing para sa gold medal match sa nagapadayun nga 2020 Tokyo Olympics.
Sa interview it Bombo Radyo, grabe ro kalipay it Aklanon beauty queen turned Pencak Selat national athlete Cherry Mae Regalado kaibahan ro iba pa nanda nga barkada matapos ro pagdaog it amiga pinaagi sa split decision kontra kay Irma Tesma it Italy sa Women’s Feather (54-57kg) category.
Suno kay Regalado nagbunga eon ro mga pagtinguha ag dedikasyon ni Nesthy sa anang training matapos nga siguradong maka-uli eon it medalya sa Olympics.
Ginbulgar pa kara nga si Nesthy hay ginbansagan nga si “sabaw” it mga kaparehong national athlete samtang sa training center bangud nga matsa pirme raya nga ‘lutang’ ag pirmeng may madaeum nga gina-isip.
Si Petecio ro kauna-unahang Filipina boxer nga magasukoe sa Olimpiyada para sa bueawan nga medalya.
Handum man sigon it anang amiga nga pinaagi sa sports hay mahaw-as sa kapigaduhon ro anang pamilya.
