Taw-an it promosyon it Philippine Coast Guard (PCG) si Pinay boxer ag Olympic bronze medalist Nesthy Petecio matapos magdaog it bronze medal sa Paris Olympics.
Sa sangka statement, ginkumpirma it PCG nga halin sa presenteng ranggo ni Petecio bilang Petty Officer Second Class hay ipo-promote raya sa Petty Officer First Class.
Suno kay Coast Guard commandant Admiral Ronnie Gil Gavan, ro pagkadaog ni Petecio hay sangka inspiring achievement para sa mga pamatan-on.
Nagpaabot man si Adm. Gavan it bug-os tagipusuon nga pagdayaw sa ngaean it mga kababayinhan ag kaeaeakinhan it it PCG kay CG officer Petecio pagdaog kara sa Olympics.
Suno kana, ginpamalas ni Petecio ro matuod nga diwa it sangka kampeon ag nagging inspirasyon bukon eamang it sa kapwa kara coast guardians kundi maging sa mga Pilipino sa pag-abot it andang mga handum.
