Ginhinyo ni Israeli Prime Minister Benjamin Netanyahu kay French President Emmanuel Macron sa andang naging pag-istorya sa telepono nga harangon ro arrest warrant nga gin-isyu it International Criminal Court (ICC) kontra kana.
Gintalakay it daywang lider ro nasambit nga isyu ko nagtaliwan nga dominggo.
Sa pag-istorya it daywa, nagpahayag it anang kaakig si Netanyahu ag ginhinyo kay Macron nga inde pag-ipatuman ro desisyon it korte.
Maskin nga uwa nagtao it opisyal nga pahayag si President Macron angot sa nasambit nga isyu, base sa impormasyong nabuoe halin sa pilang sources, ginpahayag ni Macron kay Netanyahu nga ginapairal it France ro international law ag ginpahayag nga pwedeng magtao it immunity ro mga huwes sa heads of state.
Madumduman nga ko November 21, gin-isyuhan it International Criminal Court si Netanyahu it arrest warrant kaibahan ro anang dating Defense Minister nga si Yoav Gallant para sa war crimes ag crimes against humanity sa Gaza.
