KALIBO, Aklan—Nadugangan pa ro mga nagdihon it andang Certificate of Candidacy (COC) sa pagka-board member it probinsiya it Aklan.
Kaibahan kara si incumbent New Washington sangguniang bayan member Engr. Raul Sucgang nga magapa-ilihir bilang miyembro it provincial board sa unang distrito it probinsiya sa idaeum it aksyon demokratiko.
Suno kana nga magatapos eon ro anang termino sa pagka konsehal ag nagaeaum nga mapadayon kara ro anang pagpanerbisyo bukon eamang sa banwa it New Washington kundi sa bilog nga eastern side.
Gindugang kara nga igapadayun nana ro anang naumpisahan nga pagbulig sa agricultural ag fishery sector.
Si Engr. Sucgang hay kaibahan sa line up it governatorial aspirant nga si Wiliam Lachica ag bise gobernador kara nga si SP member Nolly Sodusta.
Kaeakip sa anang kaibahan sanday dating banga vice mayor Pier Teodosio, Ramy Panagsagan, Atty. Axel Gonzales ag Christian Peralta.
Ginkumpirma man nana nga ro ginadaea nga kongresista it partido hay si Batan mayor Rodell ramos.
Apang nagpadaeagan man ro anang igkampod nga si sp member Atty. Harry Sucgang.
May matabu pa suno kana nga withdrawal and substation sa nobyembre 15 rason nga bukon pa it pinal ro tanan.
