-- ADVERTISEMENT --
KALIBO, Aklan—Ginkumpirma ni New Washington Sangguniang Bayan member Roly Equiña nga magadaeagan imaw bilang alkalde it banwa sa maabot nga 2022 election.
Raya hay kasunod it pag-eanog it anang pangaean sa mga kabarangayan it New Washington nga magapapili imaw sa eleksyon.
Ginpasaeamatan man kara sanday Aklan 1st District Congressman Carlito Marquez ag Aklan Governor Florencio Miraflores matapos ro pagpili kana nga maging kandidato it Tibyog sa New Washington.
Suno kana ko nagtaliwan nga buean sanda nagpatigayun it hinun-anon ag dikara nana natukiban nga imaw ro ginpili it partido.