KALIBO, Aklan—Uman nga nakalista it 34 ka mga kaso it coronavirus disease ukon COVID-19 sa banwa it New Washington.
Bangud kara, ginpahayag ni Municipal Health Officer Dr. Daystar Sedillo it MHO- New washington nga sa makarun hay may una eun sandang kabilugang 234 ka mga kaso it makamaeatay nga sakit.
Sa nasambitan nga numero kapin sa 96 ro aktibong kaso, may daywang namatay ag 136 man ro mga naka-recover.
Sambilog man sa ginapanan-aw nga rason it gulping paglobo it mga kaso hay ro ginpatigayon nga intensified case findings kung sa siin dikara hay ginpaidaeum sa rapid test ro tanan nga mga pomoeuyo nga nakitaan it sintomas it covid-19.
Nagaguwa pa nga ro mga nailistang kaso hay tumpok-tumpok eamang ukon maghalin sa kada pamilya nga nagkahawaan.
Samtang, ginpahayag man ni Dr. Sedillo nga sa makaun hay suspendido man ro operasyon it andang Municipal Health Office agud nga mataw-an it daean ro pagpatigayon it maidid nga disinfection matapos nga magpositibo sa covid-19 ro sangka staff it taeatapan.
Ro opisina man it sigon it MDRRMO ro gintaeana nga magresponde engkasong may mga emergency cases nga magtuhaw sa banwa.
