KALIBO, Aklan—Boluntaryong nagpanaog sa anang puwesto si New York Governor Andrew Cuomo.
Suno kay Bombo International Correspondent Alvin Mobo it New York U.S.A nagdesisyon eun lang nga magresign sa anang pwesto ro nasambitan nga gobernador matapos magkalhit ro balita nga may ginapahaom eun nga impeachment complaints kontra kana bangud sa paghimueos it 11 ka mga kababay-in nga puro mga kaibahan nana sa opisina.
Sa anang televised announcement gintawag ro mga impeachment bilang “politically motivated”.
Magiging epektibo ro pagresign ni Cuomo matapos ro 14 diyas.
Ginpangunahan ni US President Joe Biden ro panawagan nga magresign eon raya.
agabayluhan imaw ni Kathy Hochul.
Ro 62-anyos nga si Hochul hay magiging kauna-unahang babayeng gobernadora sa kasaysayan it New York.
Unang nailihir bilang lieutenant governor it New York ko 2014 kon sa siin nagdaog bilang governor ro running mate kara nga si Cuomo.
Dag-on 2011 kat magdaog imaw sa US House of Representatives sa 26th congressional district it New York.
Madumduman nga nauna eun nga ginbulgar it executive assistant ni Cuomo nga si Brittany Commisso ro ginhimo sigon nga pagpangmomolestiya kana.
Dugang pa kara nga sa kada pagkupo kana it gobernador hay may unang kasunod pagpang-abuso.
Gintago na eamang sigon ro insidente bangud sa kahadlok nga mabutang sa aeang-aeang ro anang kabuhi.
