Nag-istorya eon ro gobyerno it Pilipinas ag New Zealand para sa posibleng pagsueod it durian exports sa merkado it New Zealand.
Raya ro gin-anunsyo ni Pangueong Marcos sa anang ginpatigayon nga bilateral meeting kaibahan si New Zealand Prime Minister Christopher Luxon sa sidelines it 44th ag 45th Association of Southeast Asian Nations (ASEAN) Summit and Related Meetings sa Laos.
Ginpahayag ni Prime Minister Christopher Luxon ro naga-umwad nga kasugtanan sa tunga it daywang nasyon sa patag it kalakalan ag ekonomiya.
Una kara, nag-request mat-a ro Wellington para sa market access para sa andang sibuyas sa Pilipinas.
Ginpahayag it Malakanyang nga padayon ro konsultasyon sa tunga it Department of Agriculture ag Ministry for Primary Industries of New Zealand, ag ro pag-istorya hay “expected to be completed soon.”
Mag-eowas sa kalakalan, gintumod ni Luxon ro positibong development sa engagement it Wellington sa Maynila pag-abot mat-a sa edukasyon, seguridad ag patag it politikal.
Sa makaron, nagabueoligan ro Pilipinas ag New Zealand para ipataas ro andang diplomatic ties ag igasapinal ro Proposed Roadmap to Comprehensive Partnership 2024-2025.
