Eubos nga pagkagaoy sa trabaho ro sambilog sa rason ni New Zealand Prime Minister Jacinda Arden rason nga nagpanaog imaw sa pwesto antes ro eleksyon.
Suno kana, pagatapuson eon kara ro anang termino sa Pebrero 7.
Dugang pa it opisyal nga ro desisyon it pagpanaog sa puwesto hay kaugalingon nana nga desisyon.
Ginakabig man kara nga sangka prebilihiyo ag mabahoe nga hangkat ro pagserbi sa nasyon.
Apang, medyo naubusan eon sigon imaw it gasolina ag kabaskog para ipadayun pa ro trabaho.
Dag-on 2017 kat mailihir si Arden sa edad nga 37 kung siin imaw ro pangatlong babayeng lider it nasyon ag sambilog sa pinakabata nga lider sa bilog nga kalibutan.
Ko 2020 uman imawnga nailihir sa puwesto kung siin ginpakita kara sa kalibutan ro pag-instrikto kontra sa COVID-19.
Samtang, pagahiwaton man ro general elections it New Zealand sa maabot nga Oktubre 14.
