Ginpakigbahin it sangka Electrical Engineering Licensure Examination passer ro anang inagyan bago paman makuhit ro handum nga lisensya.
Suno kay Engr. Reniel Delgado, sa pihak it kalisdanan nga anang inagyan, madinaeag-on nana rayang naeampasan pinaagi sa mabaskog sa suporta it pamilya ag pag-pati sa Ginuo.
Base sa anang eksperyensya, naging mabaskog ro anang buot sa pagpadayon nga mag-eskwela bangud eon man sa pag-pati kana it pilang myembro it anang pamilya.
Dugang pa nana, bilang sangka panganay nga unga, kinahangean nana nga maging sandigan it anang ina sap ag-alaga it andang pamilya umpisa kat tumaliwan sa pihak nga kinabuhi ro anang pastor nga ama.
Sa una sigon, malisod ro anang naging sitwasyon eabi eon ag bukon bastante ro gina-kita it anang ina para i-suporta kanda nga mag-maeanghod. Apang, sa pihak kara hay mabahoe ro anang pagpasaeamat nga uwa imaw gin-taw’an it rason it anang pamilya nga mag-pundo sa pag-tuon.
Paathag dugang ni Engr. Delgado, ku una hay tuyo nana nga sundan ro yapak it anang ama sa pagiging pastor ag hasta makara hay pilion nana raya kung mataw-an it kahigayunan.
Sa makaron, padayunon eon lang anay sigon nana ro anang daean sa pagiging inhinyero agud nga mabuligan ro anang ina sa pagpa-eskwela sa anang mga manghod.
