Masadyang ginpakigbahin it sangka bag-ong pasa nga Civil Engineer ro anang mga naeksperyensyahan.
Suno kay Engr. Kyan Zubiaga, newly licensed Civil Engineer, sa pihak nga napaseawan nanang makuhit sa unang kahigayunan ro lisensya nga anang ginahandum, haubra gihapon nana rayang eagson.
Sa una sigon, gusto nanang maging architect, apang bangud man sa encouragement it ibang nanag mga naging teaher, ginpili eon lang nana ro kurso nga Civil Engineer. Ginpanindugan eon lang sigon nana ro kamatuoean nga imaw hay sangka engineering students apisar nga bukon imaw it “fan” it subject nga mathematics.
Dugang pa ni Engr. Kyan nga mabahoe man nga bulig kana ro nga tawo nga nakaibahan nana samtang naga-eskwela pa eamang imaw, ag pati eon man ro suporta nga nabaton nana maghalin sa anang pamilya.
Sa pangaywang kahigayunan nga anang haangkon para lisensya nga anang handum, nabatyagan sigon nana ro presensya it Ginuo bangud ro lapis nga anang gingamit sa mismong exam hay ro lapis nga hakit-an nana sa idaeom it sangka holy statue sa sangka simbahan nga andang gin bisitahan.
Nagapasaeamat man sigon imaw sa anang pamilya bangud uwa imaw gin pressure ag nabatyagan gid nana ro suporta it anang pamilya kaya naging mabaskog man ro anang buot.
Mensahe man nana sa mga studyante nga handum man maging lisensyadong inhenyero nga kun bukon it komportable sa pinaagi it pag review, mag testing it iba pang startegies nga para mag improve. Mangayo man it sources ag ideas sa iba ag panabaon du pride bangud biskan graduate it engineering hay bukon bu’ot hambaeon hay sayod eon tanan. Indi pag sukuan ro mga bagay-bagay eabi eon kun handum gid raya sa kabuhi.
