KALIBO, Aklan–Ginpatuman eagi it National Food Authority ukon NFA Aklan ro bag-ong presyuhanay it pagpamakae it eabtong ag uga nga paeay.
Raya hay kasunod it mandu ni Pangueong Ferdinand Marcos Jr. sa pagpatuman it bag-ong presyo it paeay nga nagatuyo nga mabalanse ro interes it mga manguguma ag konsumidor agud mapanaba ro presyo it bugas sa nasyon.
Suno kay Cashmere Germarino, branch manager it NFA Capiz branch office nga ro bag-o sigon nga ginapatuman nga buying price para sa uga nga paeay hay nagahampang sa P19 hasta P23, samtang ro procurement price para sa eabtong nga paeay hay P16 hasta P18.
Ro nasambit nga desisyon it pangueo hay base sa naga-ayos nga produksyon it lokal nga bugas sa atubang it pag-umpisa it tig-aeani.
Dugang pa nga makabulig raya it mabahoe sa mga mangunguma agud nga madugangan ro andang kita.
Angot kara, gin engganyo it NFA ro mga mangunguma nga ibaligya ro andang mga paeay kanda.
Pwede sigon nga magderekta sa andang bodega sa Brgy. Linabuan Sur, Banga ukon magtawag sa andang opisina agud nga sanda mismo ro maga pick up it ginabaligya nga paeay.