KALIBO, Aklan—Padayun ro pagbakae it mga paeay halin sa mga mangunguma ro grains center it National Food Authority ukon NFA sa probinsiya it Aklan.
Suno kay Glenda Paz, branch manager it NFA-Capiz and Aklan nga maskin nga holiday hay bukas ro andang grains center.
Pwede man suno kana nga makapa-request ro mga mangunguma halin sa mga maeayo nga lugar kon gustong ipa-pick-up ro andang mga ginabaligyang paeay, kun sa siin prayoridad nanda ro mga small farmers.
Sa ginpatigayon kara nga inspeksyon sa mga ueumhan sa aklan, nagapadayun suno kana ro pag-ani rason nga eauman ro bastante nga supply it paeay.
Ginpahayag dugang nga basta nga malimpyo ag maea ro mga paeay nga ginadaea it mga mangunguma sa andang grains center agud nga ibaligya hay ginabakae nanda maskin pilang sako eamang.
Nagapabilin sigon sa P19 ro presyong ginatau it NFA sa kada kilo it paeay nga andang ginabakae.
Sa pihak nga parte, gindugang pa ni Paz nga 40 porsiyento eon ro andang buying procurement sa gintaeana nga target it andang opisina nga 64,800 bags sa unang semester it dag-on.
Posible suno nga madelay ro andang pagpamakae ag pagbayad it paeay makaron matapos nga maubusan it pondo.
Maskin nga naka-request eon snada it funding nga naga abot sa P31 milyon, apang naka lockdown ro andang central office matapos nga sangka empleyado ro nag positibo sa covid 19.
Kapin sa sang milyong peso pa sigon ro andang kinahangean nga mabayaran sa gindeliver nga mga paeay it mga mangunguma.
Makabig sigon nga in-demand ro mga paeay halin sa aklan bangud sa manami nga kalidad.
