Kalibo Aklan———-Gin-engganyo it National Food Authority (NFA)- Aklan ro mga mangunguma nga kanda ibaligya ro andang ani nga paeay para sa mas mataas nga presyo kara nga naga-abot sa 19 pesos kada kilo .
Suno kay Andy Ostan , assistant manager it NFA Aklan nga ro andang absorption rate hay nakadepende sa produksyon kontra sa presyo it traders.
Nakaangkon sigon sanda it bastanteng buffer supply ko 2020 ag 2021 sa probinsiya rason nga owa it naging problema sa tunga it krisis tuga it COVID-19.
Ro mga ginpanupod sigon nga mga bugas it mga LGUs nga pang-ayuda hay halin sa calamity rice allocation it NFA nga ginabaligya nanda sa barato nga presyo sa idaeum it sangka memorandum of agreement kanda .
Ko 2020 hay nakabakae sigon sanda it kapin sa 120,000 bags it paeay samtang ko 2021 hay 80,000 bags .
Samtang, makaron nga tiempo it anihan , ginpahayag it NFA nga makipag-angot eamang kanda eabi eon ro mga farmers nga naga-istar sa mga maeayo nga lugar agud nga maagtunan it andang mobile procurement team.
Owa suno kana it dapat nga ikabaeaka ro publiko sa supply ukon reserbang NFA rice ag paeay bangud nga may andang ginatawag nga “10 days to last” nga nagakahueugan nga may available sanda nga 51,000 bags it paeay ag 11,000 bags it bugas sa andang bodega.
