KALIBO, Aklan—Ginpahayag it National Grid Corporation of the Philippines (NGCP) nga ro rason it unscheduled nga power interruption sa Aklan makaron nga adlaw it Lunes, Oktubre 26 nga nag-umpisa bandang alas-4 it aga-aga hay bangud sa tripping it Nabas-Sapian 69kV line.
Haeos tanan nga parte it aklan eakip ro banwa it kalibo hay nakaexperiensiya it power interruption.
Apang sa mayad nga swerte ro pilang portion kara hay napaiwagan pinaagi sa independent power producer.
Suno kay Michelle Visera, tagapaghambae it NGCP nga apektado kara ro ap-at nga substations it aklan electric coopertative ukon akelco nga ginaeakipan it Nabas, Andagao, Altavas ag Lezo.
Gindugang pa kara nga nag doble-kayod ro trabaho it andang mga linemen sa pag-usoy it kabangdanan it brown-out rason nga naibalik ro supply it kuryente sa mas madali nga tiempo.
Apang sa makaron hay padayun ro andang pag-finalize sa andang imbestigasyon. Ginapatihan nga ro insidente hay epekto it mabaskog nga hangin nga daea it bagyong Quinta.
