Naabot it National Grid Corporation of the Philippines (NGCP) ro pilang makasaysayang kadaeag-an ko 2024 sa pagpatuman it ap-at nga maeagkuang proyekto para sa grid nga nagpamayad sa pagiging masaligan nga imprastruktura it kuryente sa nasyon.
Madumduman nga ginlunsar it NGCP ro Mindanao-Visayas Interconnection Project (MVIP) ko Enero, Cebu-Negros-Panay 230-kiloVolt (kV) Backbone ko Abril ag ro Mariveles-Hermosa-San Jose 500kV Line ko Hulyo.
Samtang, ko Setyembre hay natapos man ro Cebu-Bohol Interconnection Project (CBIP) nga importante para sa mas maayos nga transmission services sa Central Visayas.
Suno sa ahensya, ro mga nasambit nga proyekto hay pamatuod it andang dedikasyon sa pag-angat it grid infrastructure para masiguro ro malig-on nga supply it kuryente para sa mga kabaeayan, negosyo, ag industriya.
Mag-eowas sa mga proyektong natapos, nagtao man it mas baratong serbisyo ro NGCP samtang, nagpanawagan sanda sa Energy Regulatory Commission (ERC) para sa madasig nga pag-apruba it andang mga aplikasyon nga importante agud maipadayon ro pagpamayad it grid infrastructure ag maibalik ro andang ginastos sa proyekto.
