Business News———–Ginapadasig eon it National Grid Corp. of the Philippines (NGCP) ro pagkompleto sa Mindanao-Visayas Interconnection Project nga target nga matapos sa unang quarter it 2022.
Doble-kayod makaron ro grid operator agud nga matapos sa ulihing parte it dag-on ukon sa masunod nga dag-on ro critical ag delayed nga proyekto nga maga-konektar ro Mindanao power grid sa naka-connect eon nga Luzon ag Visayas grids.
Raya ro ginpahayag ni NGCP president and CEO Anthony Almeda sa ginpatigaon nga congressional hearing ko nagtaliwan nga domingo.
Suno kana nga ro “right of way” acquisition ro nagapabilin nga mabahoe nga sabeag sa pagkompleto it nasambit nga proyekto .
Sa pihak kara, ginhambae ni House Deputy Speaker Rufus Rodriguez nga ro proyekto hay kinahangean eon nga mapadasig sa unang quarter it 2022 eabi pa ag ro Luzon grid hay posibleng magapangatubang sa grabeng supply conditions sa masunod nga dag-on sa tiempo it eleksyon.
