KALIBO, Aklan–Padayun nga gina-imbestigahan it National Grid Corporation of the Philippines (NGCP)-VI ro pinakarason it na-eksperyensyahan nga maeapnagon nga power interruption kahapon sa bilog nga isla it Panay.
Suno kay Reagahn Alcantara, tagapaghambae it NGCP-VI nga may namonitor nga system disturbance bandang alas-11 it agahon kahapon kung siin insigida sanda nga nakipag-coordinate para sa restoration process.
Ginapahayag nga bandang alas-2:00 it hapon hay nakabalik eon ro tanan nga transmission services sa bilog nga Panay apang ro supply it kuryente halin sa mga power plant hay limitado pa.
Eubusan sigon nga nagbalik ro supply bandang alas-10:30 it gabi-i.
Sa makaron, nagapadayun pa ro andang pagkolekta it impormasyon para matumod ro ginhalinan it problema kamana man nga mataw-an it insigidang solusyon ag indi eon mauman pa.
Sa pihak nga parte, nagpangayo man it pagpasaylo sa mga miyembro-konsumidor ro Aklan Electric Cooperative (Akelco) matapos ro gintuga nga perwisyo it maeapnagon nga power interruption.
Raya hay sa pihak nga ro linya it NGCP ro nakaangkon it problema.
Suno kay Engr. Jude Ropa nga balik eon sa normal ro supply it kuryente sa bilog nga coverage area it Akelco.
